بسم الله الرحمان الرحيم,. في إناء نكسر ثلاث عضمات و نزيدلها بياض بيضة (صفار نطلي بيه) نضيفلها السكر و فانيلا و مبشور الليمون نخلط مليييح حتى يذوب سكر.

نضيف الزيت و نخلط ملييح حتى تدخل الزيت في الخليط مليح نضيف نشاءو نخلط من بعد نبدأ نضيف الفرينة مع الخميرة بتدريج.

الفرينة تبقى على حسب نوعها انا هزتلي قل شوي من ثلث كيسان. نقسم العجين لنصفين. الاولى نضيفلها الكاكاو و نلمها و ثانية نضفلها شوي فرينة حتى نتحصلو على عجينة كروكي تتلاصق شوي في اليد نقسم كل عجينة الى كريات حسب لمول تاعك كل كرية نمشيها على طول لبلاطو شغل اسطوانات راحلي تعبير 😅 او طريقة اخرة نجيب القمع الخاص بلكروكي و نخرج بيه مرة عجينة بيضاء مرة سوداء تمد شكل رائع.

في بلاطو مفرش ببابي كويسو نحط مرة عجينة الكاكاو مرة عجينة بيضاء و نضربهم شوي برك كي نكمل ندهنهم بصفار البيض و ندخلهم الفرن على درجة حرارة 180 نكون سخنتو شوي.

كي يطيب ندهنو بالمربى و نرشو بالكاوكاو و نقطعو.