ف إناء ندير 3 كيلات فرينة معا قرصة ملح او م.ص فانيلا او 3 م.ك سكر ناعم نخلط نواشف او نزيد كيلة ناقص إصبع سمن ذائب او نكملها حتى تفيض بالزيت نخلط مليح

كي نكون نخلط تبان بلي تلمت ماء لالا نزيد هاداك نص كاس نخلط ما أو ما زهر او نرمي بشوية او نلم حتى نكمل نص كاس ڨاع او تنطم عجينة طرية او نخليها ترتاح شوية

في إناء جديد ندير 3 كيلات لوز معا كاس سكر نحي منو إصبع او نزيد م.ص قرفة او م.ص سمن ذائب او نطم بما زهر نخليهم يرتاحو باه حشوة تتعسل

نروح نوجد عرايش نحب عجينة الى كويرات وزن 35غ حتى 40غ او ننحلهم بالحلال او ندير الحشوة او نغلق مليح او ندير شكل مروحة كي نكمل ڨاع الحبات نخليهم من 5 ساعات حتى ليلة او نطيبهم حتى يبداو يحمارو الحبات

نوجد طلية
في إناء ندير نص كيلة بياض بيض نص كيلة ما زهر نص كيلة قارص (ليمون) نص كيلة زيت نخلط كلش او ندير سكر بشوية او نخلط او نزيد ندير ملون وردي او م.ص فانيلا او نخلط او نطلي لحبات

كي نطليهم نزينهم بال وردة نحطهم يباتو ليلة كاملة كي ينشفو نقيهم او نحطهم في كيسات او شهية طيبة حبيباتي