اولا العجينة نخلط الفرينة مع السمن (الكيلة تكون صغيرة) ونبسسهم ثم نحط شوية ملح ونجمع بالماء و ماء الزهر حتى نتحصل على عجينة طرية نقسمها الى كرات متوسطة ونخليها ترتاح

الكاوكاو يكون محمص جيداً لونو احمر و نرحيه فالروبو مع السكر وهو مازالو دافي حتى يطلق الزيت تاعه ونبقى نرحي حتى يصبح شكل عجينة نحيه نخليه يبرد ونشكلو حرابش متوسطة

بعدها نفتح العجينة رقيقة جداً ونضع حربوش عجينة الكاوكاو ونلف دورة ونص ونقطع العجينة ونسقمها بحيث تكون الفتحة من تحت و بواسطة لام حاد جداً جديد طبها نعمل 5 فتحات والسادسة نقطع ثم نضغط على الحبة في الوسط حتى يتفتحو وهكذا نكمل كل الكمية نطيبها على نار متوسطة في فرن مسخن مسبقا

ماطولش فالطياب حوالي عشرة الى 12 دقيقة فقط ووالتزيين اكيد اختياري