نحكم السمك نديروا في وعاء الماء حتى يذوب ثم كل سمكة نجيب مقص نحيلها كامل الزعانف ونجيب موس نكرط كامل السمكة ونغسلها مليح. امبعد بالمقص نبدا من التحت نحلها حسب الخط امبعد نبدا نحيلها الشوكة غير بلعقل.

كي نكمل نحتهم في صينية التقديم نحطهم من جهة ومن جهة ندير الدرسة:نحط ملعقة كل من صغيرة طماطم مصبرة. خردل. هريسة. فلفل اسود. كمون. راس الحانوت. فلفل احمر. و3ملاعق كبار زيت وملعقة صغيرة زبدة وعصرة نصف ليمونة ونسكرفج 4فصوص ثوم وحبة طماطم صغيرة ونخلط الكل ونبدا نحل كل سمكة ندهنها من الداخل والخارج.

نضع رشة ملح في كل سمكة مع الغلق واضافة نصف كاس ماء ورشة ملح للمرق. وندخلها تطهي من 5الى10د.يقدم مع عصرة ليمون من فوق.
وشهية طيبة 😘😘