220 غرام من الزبدة بدرجة حرارة الغرفة - نخفق الزبدة حتى يصير لونها على بياض وكاسة من السكر الابيض المطحون و نص كاسة من السكر البني

نضعها فوق الزبدة ونرجع نخفق حتى يتجانسوا مع بعضهم البعض ومن ثم نضع حبتين من البيض ولازم يكونوا بدرجة حرارة الغرفة و ملعقة صغيرة من الفانيلا ونكمل  بالخفق حتى يتجانسوا من ثم نتركهم على جنب

في وعاء آخر
نبدأ بالطحين نقوم بنخل الطحين (كمية الطحين 3 كاسات من الطحين) ونضع معهم ملعقة كبيرة بيكنج باودر وملعقة صغيرة من الكربونات او ما تسمى بيكربونات الصوديوم وبعد النخل بحط نصف ملعقة صغيرة من الملح.

ببدأ بوضع الطحين فوق خليط الزبدة على دفعات واقوم بالتحريك حتى يختفي الطحين وبكرر هاي الخطوة حتى نخلص كمية الطحين.
هيك العجينة صارت جاهزة لحتى اتأكد من قومها بقوم بتشكيلها على شكل دائرة اذا شفت انها لسا بتلزق بالايد بحط كمية بسيطة من الطحين لحتى اتأكد انها صارت ما بتلزق وبعدين بحط 200 غرام من حبيبات الشوكولاتة وبحركها

هون ببلش اشكل العجينة بشكل دائري وبفردها على ورق الزبدة وبحاول امدها على الاطراف لتكون واصلة إلى جميع الاطراف وبترك ربع الكمية من العجينة لحتى اسكر فيها القالب من فوق
كما موضح بالصورة