एका मिक्सरच्या भांड्यामध्ये मक्याचे दाणे घेऊन त्यामध्ये मिरची, थोडे जीरे आलं, लसूण टाकून जाडसर वाटून घ्या. हे मिश्रण एका भांड्यामध्ये काढून त्यामध्ये तुमच्याकडे उपलब्ध असलेली सर्व पीठे,बारीक रवा त्यात घाला.

आता या मिश्रणामध्ये वर दिलेले सर्व मसाले आणि बारीक चिरलेल्या भाज्या, कोथिंबीर, चवीनुसार मीठ, दही असे सर्व घालून व्यवस्थित मिक्स करा. साधारण भज्याच्या पिठासारखे मिश्रण तयार करण्यासाठी त्यामध्ये अर्धा ते पाऊण कप पाणी घाला आणि दहा मिनिटे मिश्रण बाजूला ठेवून द्या.(रवा फुलून येण्यासाठी)

आता या मिश्रणामध्ये इनो चे एक पॅकेट मिक्स करून घ्या. दुसऱ्या बाजूला गॅस वर आप्पे पात्र गरम करायला ठेवून द्या. आप्पे पात्रामध्ये थोडेसे तेल घालून तयार केलेले मिश्रण त्यामध्ये घाला. वर झाकण ठेवून मंद आचेवर ७-८ मिनिटं एका बाजूने आणि मग आप्पे पलटून तीन ते चार मिनिटे दुसऱ्या बाजूने शिजवून घ्या.