ناخذ كمية معتبرة من العجينة ونعجنها باطراف الأصابع ثم نعمل حربوش عريض ونعمل فيه فتحة طوليا باطراف الأصابع ونضع فيها حربوش غرس ونحاول نغلق عليه ونروليه طوليا ثم نقطعه الى قسمين ونضعه جانبا وهكذا نعمل مع باقي العجينة والغرس حتى نكمل ولما نكمل نبدا نفتح كل حربوش بعد غلق الجهة المقطوعة بالسكين اي نغطي الجهة التي يظهر منها الغرس

بعد ذلك نبقى نرولي فيه بكلفوف اليدين حتى نحصل على حجم ارق واطول نضغط عليه قليلا من للاعلى ثم نطبعه ونعدله على الجوانب يحافة الطابع ثم نقطع الحبات بسكين حاد ونمرر السكين طوليا تحت الحبات كي ننزع التصاق الحبات بطاولة العمل ونضعه جانبا الى جنب في البلاطو

لما نكمل ويمتليء البلاطو اذا علمنا في البلاطو الصغير (اذا ضاعفنا كمية المقادير نحصل على بلاطو كبير) قلت اما ناخذه للخباز يطيبو وهو يعرف كيفاش يطيب واما نسخن فرن المنزل من قبل 200 د ونضع البلاطو داخل الفرن حتى يبدا يحمر على الجوانب مدة لا تقل عن 40 د ثم ننزله أسفل الفرن ونشعل اعلاه ليتحمر قليلا ثم نخرجه ونتركه يبرد لنجمعه في علبة ونغطيه.

قبل التقديم نشحر الحبات يعني نسخن العسل مع قليل من ماء الزهر ونغطس فيه الحبات ونحطهم يقطرو من العسل الزائد ونرشهم بالجلجلان ثم نقدمهم.
شهيتكم طيبة!