நான் இன்ஸ்டன்ட் இடியாப்பம் மாவு வைத்து செய்துள்ளேன். இதை வறுக்க தேவையில்லை அப்படியே உபயோகப்படுத்தலாம்.

ஒரு பாத்திரத்தில் ஒரு கப் இடியாப்ப மாவு மற்றும் தேவையான அளவு உப்பு
சேர்த்துக் கொள்ளவும்.

பிறகு நன்றாக கைகளால் பிசைந்து கொடுக்கவும். பின் கொதி நிலையில் உள்ள வெந்நீரை சிறிது சிறிதாக சேர்த்து கரண்டி வைத்து கெட்டியான பதத்திற்கு பிசைந்து கொள்ளவும்.

பிசைந்த மாவை பத்து நிமிடங்களுக்கு அப்படியே மூடி போட்டு மூடி வைக்கவும்.

10 நிமிடங்களுக்கு பிறகு கைகளால் பிசையவும். (கைகளில் மாவு ஒட்டுவது போல் இருந்தால் சிறிதளவு எண்ணெய் தேய்த்து கொள்ளலாம்)

இடியாப்பத்திற்கு என்று சிறிது சிறிது துளைகளாக இருக்கும் அச்சை நான் எடுத்துள்ளேன்.

பிறகு பிசைந்த மாவை படத்தில் காட்டியவாறு இடியாப்ப அச்சில் சேர்க்கவும்.

இரண்டு கைகளால் நன்றாக அழுத்தும் கொடுத்து இட்லி தட்டில் சேர்க்கவும். நான் சிறிய வடிவங்களாக செய்துள்ளேன். இடியாப்பத்தை வேக வைப்பதற்கு ஒரு பாத்திரத்தில் தண்ணீர் ஊற்றி நன்றாக கொதிக்க விடவும்.

பத்து நிமிடங்கள் வேக வைத்த எடுத்தால் மிருதுவான இன்ஸ்டன்ட் இடியாப்பம் சுவைக்க தயார்.