قبل مانبدا في الوصفة حبيت نفيدكم بهذه الوصفة لأنها فعلا تستحق التجربة خفيفة بزاف ساهلة التحضير ماتكلفش بزاف و ماتتعبش في الخدمة تخرج كمية هذا المقدار يخرج بين 51 حتى 54 او 55 حبة حسب حجم البيضات اما جوز الهند لي تحب تستغني عنه ممكن جداً لأنه أصل الوصفة تجي بدون جوز الهند سبقت و ان درتها بدون جوز الهند و جات هايلة و مرة اخرى لما عاودتها دخلت فيها جوز الهند كمية قليلة لكن اعطى فرق اكيد في البنة جات منكهة بريحة جوز الهند و خفيفة بزاف.

نخلط المرغرين مع السكر ناعم نضيف الزيت يدخل مليح الزيت في الخليط نضيف البيض بيضة ورا بيضة و نخلط + فانيليا و الميزينة مع جوز الهند الخميرة و اخيرا الفرينة نضيف و نخلط حتى نتحصل على عجينة طرية نشكلها كريات و نطبعها داخل هذا الطابع على شكل وردة كنت درتلو نايلون انا استعملت هداك نايلون لي يجي بين ورق ديول صراحة عملي جداً ساعدني في الخدمة نطبع الحبة قاطو تاخذ الشكل و نقلب الطابع تتنحا الحبة بسهولة لاني سبقت نايلون في القالب و كاين نوع اخر من القوالب جاي نفس الشكل لكن تاع سيليكون هذاك يطيبو فيهم

بعد طياب و لما يبردو بواسطة صفاية نرش رشة خفيفة من سكر ناعم على الاطراف و نعمر الوسط سواء بمعجون او كراميل لي متوفر عندكم و حسب رغبتكم يمكن حتى عملت شوكولاته بالوسط و اذا تحبو تخلوهم هكاك او تضيفو شوية مكسرات فوق المعجون