القسم الاول: نضيف الزبده في الخلاط ونبدء نخلط لين ما تحسي انو الزبده ساحت شويه وبعدين نضيف السكر البني والابيض ونخلط لين م يمتزج وبعدين نضيف البيض ونخلط

القسم الثاني: نضيف الدقيق والصوديوم والفانيلا ورشه ملح ونخلط لين ما يصبح المزيج زي العجين

القسم الثالث: نضيف حبيبات الهيرشي بس لا نكتر عشان ما يسير العجين قاسي ونعجن لين ما يمتزجو مع بعض ونحطو في الثلاجه لمدة ساعه بالكتير عشان ما يهبط الكوكيز لما ينخبز

بعد مرور ساعه رح يكون العجين متماسك وسهل انك تشكليه وقبل ما تبدءي تشكلي(انا عن نفسي بشكلو بشكل كوره) تشغلي الفرن ع حراره ٢٢٠ من تحت وتدهني الصينيه الي تبي تستخدميها بالزيت بس لا نكتر لانو العجينه نفسها فيها دهون من الزبده

ملاحظه: يمديكي تحطي ع اي صينيه ازا كان عادي ولا بقوالب المهم بعد م تشكلي العجين وتحطيهم ع الصينيه خلي مسافه بينهم عشان لما ينخبز ما يلصق في بعضو وتحطيهم في الفرن لمده ١٢ دقيقه بس برضو لازم تراقبيه عشان لا ينحرق المهم انو يكون من تحت بني شويه وعادي ازا كان من فوق لسا عجين فـ اتركيه ع درجه حراره الغرفه لين ما تبرد تقريبا ٥ او ١٠ دقايق وزينيه ازا حابه وبس والله وبالعافيه