اولا بنغلي مي عالنار وبنسلق ورق العنب بعد ما نشيل منو الضلوع

بنصفي الورق من المي

بهاي الاثناء بننقع رز المحاشي عشر دقائق وبعدها بنصفيه من المي وبنضيف النعنع والملح والبهارات حسب الرغبة وملعقة صغيرة مراق دجاج بودرة لانو بعطي طعم ونكهة

بعد ما نخلص لف بنحضر طنجرة كبيرة بنفرد بقاعها للحمة واللية وحبتين بندورة مقطعين ونص رأس الثوم وبنفرد فوقو ملفوف ورق العنب وبعدها بنضيف كمان حبتين بندورة وباقي راس الثوم وملعقتين مراق دجاج بودرة وملح

وبنحط مي غمرة المحشي وبنحط فوقهن غطاة اصغر من الطنجرة لحتى تضغط المحشي وما يسبح بلمي وبنضيف نص فنجان زيت لحتى يعطي لمعة لحب المحشي

بعد ما يغلى المحشي بنوطي النار وبنغطي وبنتركو عنار هادية ساعتين لحتى يستوي والف صحة وهنا