كيس معكرونة طويلة تنسلق مع ماء وزيت.

لحمة مفرومة تنطبخ زي لحمة السمبوسة (تحطي اللحمة على النار العالية حتى تطلع مويتها تحطي بهارات( كمون فلفل اسود وكركم وملح وبهارات مشكلة) وبصلة مفرومة، بعدين تحطي بالخلاط طماطم مع شوية صلصة وموية وتحطيها فوق اللحمة حتى تنضج.

٣- البشاميل: ملعقة زيت كبيرة في القدر تحمى شوي بعدين تحطي فوقها ملعقة الغرف الكبيرة دقيق ابيض وتحركي شوي حتى يتغير لون الدقيق ويبقبق، بعدين تحطي قوقهم (٦ ملاعق حليب نيدو مذوب في ٣ كاسات ماء) وممكن تزيدي الماء الى ٣ كاسات اذا تبيها خفيفة ،،
بعدين تحطي فلفل اسود وكمون وكركم وملح ونص ملعقة جي موتو اذا متوفر واذا لا عادي وحبة ماجي اختياري برضوا ،،وتحركي حتى تثقل شوي البشاميل شيليها من على النار و اكسري فوقهم بيضة وحدة وحركي بسرعة واذا مافي بيض عادي تضبط).

تصفي المكرونة وتحطيها في الصنييه وفوقها شوية بشاميل عشان تتماسك وفوقهم لحم بعدين الباقي من المكرونة حطيه في البشاميل وصبيهم كلهم فوق اللحمة ودخليها بالفرن ١٥ دقيقة من تحت بعدين من فوق تتحمر شوي ،، بالهناء والعافية🌹🌹