પાલકની સ્ટેમ કાઢી, પાણીથી ચોખ્ખી કરી, ઉકળતા પાણીમાં બે થી ત્રણ મિનિટ માટે કુક કરવાની છે. ત્યારબાદ તરત જ તેને બરફવાળા ઠંડા પાણીમાં ટ્રાન્સફર કરી પછી તેની થીક પ્યુરી બનાવી લેવાની છે.

તવા પર તેલ અને ઘી મિક્સમા ગરમ કરી તેમાં લીલું લસણ, લીલી ડુંગળી અને લીલા મરચા ઉમેરવાના છે.

ખમણેલું આદુ ઉમેરી બધું બરાબર રીતે મિક્સ કરી સાંતળી લેવાનું છે.

હવે તેમાં સમારેલું કેપ્સીકમ, બાફેલી મકાઈના દાણા અને બાફેલા વટાણા ઉમેરવાના છે.

પનીરના ટુકડા, બધા જ મસાલા અને સ્વાદ અનુસાર મીઠું ઉમેરી બધું બરાબર રીતે મિક્સ કરી લેવાનું છે.

હવે તેમાં તૈયાર કરેલી પાલકની પ્યુરી ઉમેરી તેને પણ બરાબર રીતે મિક્સ કરી એક મિનિટ માટે કુક થવા દેવાની છે.

કુક કરેલા બાસમતી રાઈસ, લીલી ડુંગળીના સમારેલા લીલા પાન અને સમારેલી કોથમીર ઉમેરી બરાબર રીતે મિક્સ કરી લેવાનું છે. જેથી આપણો ગ્રીન ગાર્લિક તવા પુલાવ સર્વ કરવા માટે તૈયાર થઈ જશે.