એક કડાઈમાં તેલ ગરમ મૂકી તેલ ગરમ થાય એટલે તેમાં ચપટી હિંગ ત્યારબાદ આદુ મરચાની પેસ્ટ સાંતળી અને બે મિનિટ બાદ ઝીણી સમારેલી ડુંગળી સાંતળવી. ડુંગળી સંતળાઈ જાય એટલે તેમાં ચપટી હળદર અને ગરમ મસાલો નાખી બાફેલા બટાકા ઉમેરી અને સારી રીતે મિક્સ કરી લેવું.

હવે બ્રેડની સ્લાઈસ લઈ અને એક સાઇડ થોડું બટર ગ્રીન ચટણી અને ટોમેટો કેચઅપ લગાવી તેની ઉપર તૈયાર કરેલ મસાલો પાથરી અને તેના પર ચીઝ મૂકી બ્રેડની બીજી સ્લાઈસમાં પણ ચટણી અને ટોમેટો કેચઅપ લગાવી તેના પર મૂકી દેવી.

બ્રેડની બંને સાઈડ બટર લગાવી અને ટોસ્ટરમાં વચ્ચે મૂકી ગેસ પર બને સાઈડ ગોલ્ડન શેકી લેવી.

તો તૈયાર છે આલુ ચીઝ સેન્ડવીચ.