اول حاجة لازم تنقي السردين مليح وتنحيلو الشوك ، ثم نضيف الثوم يكون مرحي+ قسبر مقطع رقيق، فلفل كحل، كمون، كركم، شوية زنجبيل، فلفل عكري، ملح، روز (ماشي مفور) درت قد كاس ماشي معمر (ادا كانت نوعية الأرز لي يتنفخ بزاف ديري نصف كاس) وعجني مليح بيدك حتى تولي كفتة كوريها ومرة على مرة على مرة مسحي يدك بالماء

الصلصة: درت 2 حبات بصل (وحدة كبيرة وحدة متوسطة) قطعتها وحطيت البصل فالطاجين يذبل مع شوية زيت وزدتلو الطماطم تكون مقطعة وزدت نفس التوابل ماعدا الكمون + طماطم مصبرةوالسكر وكي نشفت زدتلها الماء وحطيت الدولمة وقرن فلفل اخضر حار وخليتها تطيب على نار قليلة وعند التقديم نزينها بالقصبر، شهية طيبة