٤ أشكال من المخبوزات من كيلو دقيق
إفتح في تطبيق كوكبادالخطوات
- 1
نحط الخميرة والسكر في نص كوب الماء الدافئة ونقلب جيداً ونتركه ١٠ دقائق
- 2
ننخل الدقيق ونحط عليه اللبن البودرة والملح والفلفل والثوم البودرة والبصل البودرة والزعتر ونقلب كويس المكونات مع بعض
- 3
نضيف خليط الخميرة على المكونات الجافة ونقلب وبعد كده نحط الزيت ونعجن بباقي الماء الدافئلحد مانلم العجينة ونعجن لمده عشر دقائق
- 4
نغطى العجينة ونسيبها تختمر لمده من نص ساعة لساعة حسب الصيف أو الشتاء
- 5
لعمل الصلصة نحط معلقتين كبار زيت وعليهم الثوم ونقلب شوية وبعد كده نحط ملعقة خل كبيرة وبعد كده نحط الطماطم 🍅 وعليها الملح والفلفل والزعتر ونسيبها شوية تتقل مع التقليب وبعد كده نطفى عليها
- 6
بعد كده نقسم العجينة إلى ٤اجزاء ونشكل كل جزء بالطريقة اللي نفضلها
- 7
أول جزء فردته وحطيت على الطرف سجق او سوسيس متحمر ولفيت العجين بالسجق وعملت أربع فتحات مش للاخر ولفيته على شكل ورده ونرص في صينية مدهونة زبدة او سمنة
- 8
ثاني جزء فردته على شكل دائرة وخرمت العجين بالشوكة ثم حطيت صلصة البيتزا وعليها حلقات فلفل رومي وميكس جبن وممكن حلقات زيتون ونرص في صينية مدهونة زبدة او سمنة
- 9
ثالث جزء فردت العجين وقطعته بالقطاعه الدائرية قطع صغيرة (ميني بيتزا) وخرمت كل قطعة بالشوكة وحطيت صلصة البيتزا وشرايح فلفل رومي وميكس جبن وممكن زيتون ونرص في صينية مدهونة زبدة او سمنة
- 10
الجزء الرابع قسمته ٣ كور وفردت كل كورة على شكل دائرة وعملت من الطرف شرايح بالسكين لحد النص بس وحطيت على النص الاخر سجق متحمر ولفيت طرف السجق على الطرف الثاني ونرص في صينية مدهونة زبدة اوسمنة
- 11
بسيب العجين ماعدا البيتزا يرتاح لمدة ربع ساعة وادهن العجين اللي بأشكال مختلفة ما عدا البيتزا من الوجه بصفار بيضة ورشة فانيليا أو ملعقة لبن بودرة وعليها شويه سكر ورشة نسكافيه ومعلقتين ماء واقلبهم وادهن الوجه
- 12
ادخل الصواني الفرن بدرجة حرارة ٢٠٠ لمده عشر دقائق وبعد كده اشغل الشواية ٥دقايق لتحمير الوجه وبعد كده اخرج الصواني واغطيها بفوطة نظيفة لحد ماتبرد
- 13
تابعونى على قناة اليوتيوب باسم حبهان وفانيلا emy Karam وصفحة حبهان وفانيلا emy Karam تنورونى وتشرفونى احلى أخوات
الكوكسناب
وصفات مشابهة
وصفات ننصحك بمشاهدتها
التعليقات (3)