الخطوة الاهم هي طريقة سلق البطاطا. بعد استواء البطاطا نضعها مباشرة في مصفاه ومنتركها تهبّل (يعني يطلع منها كل البخار) وبعدين منهرسها ومنتركها بالمصفات لنتخلص قدر الامكان من الماء.
وبس تفتر منبلش شغل

نضيف للبطاطا المهروسة(الفاترة) الطحين ، النشاء ، صفار بيضة ملح وفلفل وبرشة جوزة الطيب ومنبلش نعجن لتتشكل عنا عجينة طرية

نقسم العجينة الى اربعة ونعمل من كل ربع رول ومنقطعه مثل الصورة

منرش سميد على القطع لحتى تكمش معنا العجينة ومنبلش نشكل قطع نيوكي باستخدام الشوكة

الخطوة الثاني المهمة هي عملية السلق. وقت تغلي المي منسقط قطع النيوكي وبس تطفو على السطح فورا منشيلا

ممكن تعملو معها صوص جبنة ابيض او صوص احمر يلي بتحبوه والف صحة وهنا