मसाला चहा बनवण्यासाठी आलं साफ करून बारीक किसणीवर किसून घेतलं. लवंग,‌वेलची आणि दालचिनी तुकडा काढून ठेवला.

चहाच्या भांड्यात दिड कप पाणी घालून त्यात आलं किसून घातलं,‌ वेलची आणि लवंग घातली. मग त्यात दोन चमचे चहा पावडर आणि एक चमचा साखर घालून चहा उकळायला ठेवला. (साखर आपल्या आवडीनुसार कमीजास्त प्रमाणात घालावी)

चहा मधे घातलेला मसाला चांगला उकळायला हवा मगच चहाला छान टेस्ट येते.

चहा उकळल्यावर त्यात एक कपभर दूध घालून परत थोडा उकळला. घरामधे मसाला चहाचा छान सुगंध दरवळला होता. आणि नंतर गाळणीने कपामधे चहा गाळून घेतला.