بسم الله

في قصعه اندير الفرينه والنشا الملح والفانيليا نخلطهم مع بعض ونبسسهم بكيلة لسمن ندخل البسوس مليح وبعدها اذا حسينا فيه كريات ونديروه في السياره اختياري ندير حبه البيض في النصف ونخلط لها شويه ماء زهر ونلم العجينه ونظيف ماء الزهر بتدريج حتى تتشكلي العجينه تكون طريه نعجنها قليلا.

ندير حربوش ونقسموا على 12 الكوريه نبولهم ونحطهم في بلاط ونديرهم في الثلاجه يرتاح من اربعه الى خمس سوايع واذا حبينا خليوها تبات ليله كامله

في قصعه ندير الحشو والسكر مخلطهم مع بعض نضيف ملعقة السمن، بعدها نحل ملعقه لابات اروم في القليل من ماء الزهر ونبدا نرش الحشو التاعي ونخلطه باطراف الاصابع كلي راح نفتل البربوشه نغطيه ونخليه يرتاح.

نجبد العجينه تاعي وخليها تطلق روحها شويه بعدها بالاستعانه بالنشا انحل الست كريات الاولى نحلهم قليلا و بعدها نحطهم فوق بعضاهم ويكون بيناتهم النشاء نحلهم ضربة وحدة وتكون العجينة رقيقة ،ندهن البلاطو بالسمن ونحط الطبقه الاولى من العجين.

بعدها نفرش الحشو التاعي بلا مندير السمن ،نعاود نفس العمليه للعجينه المتبقية ونحطها فوق الحشو نعدل الجوانب نحي الجوانب الزائده وبعدها نقص مربعات يكون عرضهم 4 على 4 بعدها نفرغ السمن في الوجه ونخليها ترتاح قليلا ونحطها طيب مده 50 الى 55 دقيقه على حسب الفرن.

كي نشوف الاطراف تحمرو نشعل من لفوق ونخرجها من الفرن مباشره نعسلها بعسل ثقيل دون اضافه اي شيء ،نرش عليها لبيسطاش.

نخليها تبات لغدوة من ذاك نعاود نقصها ونحطها فلي كيسات.

وشهية طيبة.