نحضر كل المكونات ونبدا على بركة الله، نقي الزرودية (الجزر) ونقطعها دوائر رقيقة ونحطها في طنجرة وضفت عليها لترا ماء وحطيتها فوق النار تغلي مع شريحتين من الليمون.

من جهة أخرى نقيت البرتقال ولازم نتخلصو من القشرة البيضاء باش ما تطلقش المرورة من بعد، قطعتهم قطع صغيرة، كي طابت الزرودية فرغت عليها السكر وهي عاد فوق النار خليتها حتى ذاب السكر تماما وطفيت عليها.

فرغتها بيها بالماء اللي انسلقت فيه في طاس العصير نحيت شرائح الليمون وشعلت عليها حتى نطحنو جيدا.

ثم ضفت قطع البرتقال، ثم في الأخير ضفت علبة الياغورت ذوق المشماش وإذا توفر ذوق الخوخ تاني يجي بنين.

ثم ضفت الماء والطاس عاد شغال (يبقى إضافة الماء على حسب درجة كثافة العصير اللي راكم حابينها)

صفيت كامل كمية العصير.

ودخلت الطاس للثلاجة باش يبرد مليح.

وقدّمتو بألف صحة وهنا 😋🍊😋
نصيحة مهمة: ✨من الأفضل تقديمه بارد.