गव्हाच्या पिठात मीठ व दीड टेबलस्पून तुपाचे मोहन टाका. पीठ छान चोळून एकजीव करा. त्यांत थोडे थोडे पाणी टाकत, दशम्याच्या कणके प्रमाणे घट्ट पण मऊ कणिक मळा. त्याला तुपाचा हात लावून 15 मिनिटे झाकून ठेवा.

1टेबलस्पून तूप घेऊन त्यांत, दीड टीस्पून गव्हाचे पीठ टाकून, त्याचे साठे तयार करा.

15 मिनिटानंतर कणकेची, थोडीशी मोठी लोय करा. त्याला गव्हाचे पीठ लावून, पातळ पोळी लाटा. पोळीवर गहू पीठ व तुपाच्या साठ्याचे ग्रीसिंग करा.
सुरीने पोळीवर बारीक काप आखा. सुरीनेच हलक्या हाताने, त्याचा रोल करा.शेवटच्या कड्या हाताने दाबून, त्याची गोल लोय तयार करा. सगळ्या लोया तयार झाल्यावर, 15 मिनिटांसाठी उघड्याच ठेवा.

पोळपाटावर ठेवून दोन्ही हाताने हळुवारपणे दाबत, त्याची मोठी पोळी करा.
गॅसवर तवा तापवा. त्याला थोड्याशा तुपाचे ग्रीसिंग करून, लाटलेली पोळी तव्यावर टाका. वरून तुपाची धार सोडून,. एक बाजू छान भाजा. ती झाली कीं, लच्छा, उलटून टाका. बाजूने तुपाची धार सोडा. दोन्ही बाजू खरपूस भाजून होऊ द्या, म्हणजे आतील पदर कच्चे राहणार नाहीत.