نأخذ المقلاة نضعها على نار ونضع بصل مقطع ملح زيت ونقلي نضيف فلفل أخضر مقطع ثاني وطماطم نقلي نضيف طماطم مصبرة وتوابل فلفل عكري ونتركه يتقلى ثم نضيف لقديد بعد نزع له الملوحة ومقطع ونتركه الكل يطيب

في جفنة او قصعة نضع سميد نضيف الملح زيت خميرة ونجمع بالماء ونعجن حتى نتحصل على عجينة جيدة ليست طرية ولا قاسحة ونقسمها إلى كورتين

على طاولة نضع كورة ونحلها بالحلال رقيقة ثم نضع الحشو فيها ونسويه كليا على عجينة بدول وصول للحواف

ثم نحل بالحلال الكورة ثانية من العجينة ونضيفها فوق الحشو وندهن حواف الأولى بماء ثم نضغط على العجينة ثانية على الأولى جيداً باش ميخرجش الحشو ونثقبها بالفرشيطة لكي لا تتنفخ

على نار نضع طاجين او مقلاة كبيرة شوية حتى تسخن ونضع الفطيرة فيها وتكون النار متوسطة مع تحريك حتى تطيب اي تستوي تحت وتتحمر ثم نقلبها من جهة اخر مع تحريك حتى تطيب اي تستوي وتتحمر ننزعها وتقدم يمكن أن نعمل لهل ثقب ونفرغ عليها شوية زيت زيتون