في وعاء نحط السميد + خميرة الخبز + السكر + الفرينة + الخميرة الكيميائية + الملح و نخلطهم مع بعض

نضيفوا الماء الدافئ و نخلطهم بالخلاط اليدوي (البرا ميكسور) حتى تشوفوا الخليط بدا يبياض معاكم و دا قوام البغرير خلوه يرتاح قيس متغسلوا المواعين لي حضرتوا بيهم البغرير

فوق نار متوسطة حطوا المقلة تاعكم و فرغوا كمية (مغرف لي نفرغوا بيها المرقة) و خلوه يطيب
وحدوا يدي هاداك الشكل كيما راه ف الصورة
اذا شفتوا المقلة تلصق معاكم احكموا شوية شحمة (شحم الخروف و فوتوا فوق المقلة بسرعة) و رجعوا طيبوا و كلما تشوفوها لصقت معاكم ارجعوا ديروا نفس الطريق بالشحم

و بالصحة و العافية إن شاء الله