الكفتة الاقتصادية👌من ربع كيلو طلعي 16 قطعة😲وبريحة الفحم😋
طبعاً كلنا بنحب الكفتة.. 😋بس كل حاجة بقت للاسف غالية. . 😔 فإحنا يعني مش هناكل ونحرم نفسنا ونجوع..لااا، طبعاً❌. يبقى لازم نتحدى الغلاء وندبر ونوفر ونتصرف 💪💪.عشان ناكل اللي احنا عاوزينه.. عشان كده عملتلكوا كفتة اقتصادية بربع كيلو بس.. والطعم حكاية ومُغذية في نفس الوقت 😋😋 هيطلعلك 16 قطعة ممكن تطلع اكتر او اقل على حسب الحجم اللي هتعمليه 😉 يالا بينا بسرعة نشوف الطريقة العسل دي اللي زيكوا😘
#تحدي_الشيف_الذهبي
#الشيف_الذهبي
#كفتة
#كوكينا_cookina
الكفتة الاقتصادية👌من ربع كيلو طلعي 16 قطعة😲وبريحة الفحم😋
طبعاً كلنا بنحب الكفتة.. 😋بس كل حاجة بقت للاسف غالية. . 😔 فإحنا يعني مش هناكل ونحرم نفسنا ونجوع..لااا، طبعاً❌. يبقى لازم نتحدى الغلاء وندبر ونوفر ونتصرف 💪💪.عشان ناكل اللي احنا عاوزينه.. عشان كده عملتلكوا كفتة اقتصادية بربع كيلو بس.. والطعم حكاية ومُغذية في نفس الوقت 😋😋 هيطلعلك 16 قطعة ممكن تطلع اكتر او اقل على حسب الحجم اللي هتعمليه 😉 يالا بينا بسرعة نشوف الطريقة العسل دي اللي زيكوا😘
#تحدي_الشيف_الذهبي
#الشيف_الذهبي
#كفتة
#كوكينا_cookina
إفتح في تطبيق كوكبادالخطوات
- 1
اول حاجة عشان المصداقية وبالاثبات والبراهين😂 وزنتلكوا اللحمة قدامكوا اهي 250 جرام يعني ربع كيلو... يبقى انا كداب.. لأ لأ. وضحكت عليكوا.. لأ لأ 💃💃لألأ💃💃
- 2
اول حاجة هجيب بولة وهضيف اللحمة 🍖وبعد كده البصل🌰 ودي مية البصل هبقي اقولكوا هنستخدمها في ايه اوعوا بس حد يشربها لحد لما نخلص 😁
- 3
بعد كده ضفت البيضة 🥚والبطاطس🥔 بس اهم حاااجة البطاطس لازم تتعصر🌀🌀 كويس من ميتها وتعذبيها😂 عشان ماتفكش منك الكفتة 🤚
- 4
بعد كده هنضيف البهارات.. عايزة اقولكوا البهارات دى وهي جوة الكيس ريحتها رهيبة..
- 5
والفلفل الأسود والملح
- 6
وبعد كده ضفت البقسماط والبيكنج بودر.
- 7
وبعد كده قلبتها بالمعلقة وبعد كده فضلت اهرسها اهرسها وافعصها بإيدي لحد لما تقول حقي برقبتي عشان تحرم تبقى غالية تاني 😂عشان لازم تكون ناعمة جداً ورقيقة 🤭عشان تعرفي تشكيلها وماتفكش منك💪
- 8
وكده خلاص بعد ما عذبناها بالشكل ده🤭 تستاهل طبعاً🤨🤨
- 9
بعد كده هنجيب مية البصل وهنبل ايدينا فيها ونشكلها أصابع ولا كبيرة ولا صغيرة
- 10
ودي الكمية اللي طلعتي بسم الله ماشاء الله تبارك الله 16 قطعة والعدد حسب التشكيل بتاعك ممكن يطلع اكتر او اقل.. ودهنتها بمية البصل ودخلتها في الفرن على درجة حرارة 180
- 11
ولما تبقي نصف سواء زي كده
- 12
هنقلبها وهنجيب مية البصل وهندهنها تاني بالفرشة... الحركة دي مش بتخلي الكفتة تنشف... وبعد كده دخلتها الفرن تاني.. ولما خلاص قربت تستوي قلبتها الناحية الثانية ودهنتها تاني بمية البصل
- 13
وكده خلصت واتحمرت من برة.. وطرية من جوة ومنفوشة ونعنوشة كده😋 بسبب البيكنج بودر ومش مكتومة ومحدش يزود عن الربع ملعقة صغيرة بيكنج بودر احسن هتفضل تكبر تكبر وتضيق عليكوا المطبخ 😂😂
- 14
وبعد كده عشان نكمل الجمال والحلاوة دى ولعت فحمة وحطيت في الطبق الأول شوية زيت وحطيت الفحمة عشان تولع من تحت وحطيت نقطتين زيت من فوق وغطيتها كويس بغطا محكم لحد لما الفحمة تطفي او لمدة حوالي عشر دقائق عشان تأخذ من ريحة الفحم كويس
- 15
وده الشكل النهائي وبالهنا والشفا على قلبكوا الجميل♥️🌹 عايزة اقولكوا بقي ريحة وطعم وحلاوة وتوفير👋👋👋👋
- 16
ودي قناتي المتواضعة عاليوتيوب بتمنى تنوروني وهتلاقوني واقفة على باب القناة بفتحلكوا بنفسي يالا انجزوا بقى عشان رجلي وجعتني من الوقفة 😁😁
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات