اول خطوة منجهز القطر وكتير مهم القطر يكون بسماكة متوسطة لا يكون خفيف بحيث بتطرة العوامة ولا يكون تقيل كتير ماعاش بتتشرب العوامه لقطر لجوا لهيك بس يغلي ونخفف الغاز نراقب سماكة القطر يعني تقريبا بدو بعدالغلي من١٠ ل١٢ بكون صار ممتاز منفضي بوعاء كبير ومنتركو يبرد منيح.

منبلش بالبداية بالمكونات الجافة منضيفها ومنقلبها سوا لتنخلط مع بعض ومنبلش نضيف الماء الدافية وبالخفاقة اليدوية منمزجن ما اضيفو كل كمية المية اول شي كوب وربع مي ومنخفق ومنشوف اذا بحاجة بعد مي او لا (لازم تكون عنا عجينة رخوة مش متل عجينة المشبك او المعجنات).

هلئ الخطوة لهي كتير مهمة نشيل الخفاقة وبي ايدنا نبلش نحرك العجينة بي قوة وسرعة لحتى يتفاعل عنا الغلوتين هيدا من عوامل نجاحها ولتعرفو ايمتى توقفو رح تلاحظو انتو وعم تشتغلو بالعجينة رح يصير يطلع فقعات وتنفخ هون منظف اطراف الوعاء ومنغطيها جيدا وتترك بمكان دافيء لتختمر.

بعد ان تختمر العجينة منجي لمرحلة القلي وهي كتير مهمة الزيت يجب ان يكون متوسط الحرارة او اكتر شوي بس مايكون عم يغلي.

منجيب كاسة صغيرة منحط فيها زيت ومعلقة العيار او لبتجي بي علب معلقة البلاستك لبتجي بعلبة الحليب البودرة.

منفتح ع العجينة ومنحركها بهدوء بي ايدنا لتفرغ شوي من الهوا (يجب ان تكون العجينة اصبحت مطاطية وناعمة جدا)

نضع المعلقة في كل مرة بكاسة الزيت ثم نمسك بالعجينة بحيث نضغط على العجينة ونلمها مباشرتا بي المعلقة وتنزل على الزيت.

يجب ان نكون سريعين بالتلقيم وبمعلقة ذات ثقوب نقوم فقط من الاعلى بي حؤكة دائرة على العجينة لكي تقلب بدون الضغط عليها مجرد تبلش بدها تاخد لون خفيف جدا نقوم بنقلها الى صحن كبير.

نكنل باقي العجينة بنفس الطريقة الى ان ننهي الكمية

نترك العجينة لتبرد تمااااااما وكمان هيدة النقطة مهمة ان يكون القلي ع مرتين رح يعطينا قرمشة ممتازة.

في تاني مرة للقلي يجب ان تكون حرارة الزيت هي نفسها باول مرة متوسطة تقريبا.

منزل العوامة ومنستمر بالمعلقة نحرك بس من فوق بكل خفة الى ان يشقرو ونحصل على اللون المطلوب.

منشيل العوامة من الزيت ومنزلها بالقطر مباشرتا لمدة ٣ الى ٥ دقايق لتتشرب العوامه القطر ثم تنقل الى مصفاية لنتخلص من القطر الزائد.

ملاحظات: في حال ما بدنا نضيف قطر في مكونات العجينة فمنستبدل القطر بي معلقة كبيرة سكر بس طبعا القطر بعطي لون اجمل وبساعد ع القرمشة وقت القلي.

ترك العجينة وقت كافي لترتاح وتختمر كتير مهم لنحصل ع عجينة خفيفة وفيها فراغات العوامة وقت تنقلى وطبعا الوقت بختلف ع حسب حرارة الطقس من ساعة لساعة ونص ممكن تاخد وقت رح تعرفو ان اختمارها صار ممتاز وقت تلاحظو العجينة صارت متل الخيطان عاملة ع النايلون من فوق.

ضبط حرارة الزيت شي كتير مهم لأن اذا كان بارد رح تتشرب العوامة زيت واذا كان كتير سخن رح تتحمر بسرعة اقبل ما يستوي قلبها من جوا