بسم الله نبدأ ونقطف الزعتر وبنزيل العروق ونغسل الزعتر جيدا بالماء مع إضافة الملح ونكرر عملية الغسل حتى ينظف جيدا

خلطت الماء الدافي مع الخميرة والسكر وبدأت بإضافة الطحين تدريجيا ممكن تحتاج اقل من ٨ اكواب وممكن اكثر حسب نوع الطحين وبنعجن وبالاخير بنضيف الزيت وبنعجن وبنتركها ترتاح شي ساعتين لانه الجو بارد نسبيا اما بالصيف بكفي ترتاح ساعة

ضفت البصل مع الزيت للزعتر وضفت السماق وعصير الليمون والملح وطبعا ما في كمية محددة دايما حسب الذوق وضفت كوب زيت زيتون وقلبتهم وفركتهم سوا وحطيتهم بمصفاي حتى يتصفو جيدا من السوائل

قطعت العجين ٤ كرات كبيرة الحجم ودهنت سطح الفرد بالزيت وفردت العجين ووزعت من الحشوة بشكل متفرق وأخذت الجزء الجانبي فوق العجين ووزعت فوقه الحشوة ورجعت اخذت الجزء الجانبي الثاني ووضعت فوقه من الحشوة كمان في الصورة

وكل ما سكرت جزء وزعت فوقه الحشوة لحتى عملتها على شكل مربع او مستطيل

ودهنت صواني بالزيت وحطيت كل قطعه ترتاح شي نص ساعة وبعدين فردتها

وبالفرن الحامي لحتى تتحمر من الأسفل والاعلى وبنطلعها ودهنت الوجه من السوائل اللي نزلت من الزعتر ورشيت عالوجه سماق

وغطيتها بقطعه قماش عشر دقايق لحتى تضل طرية وقطعتها

ما أطيبها مع كاسة شااااي بالزعتر الأخضر
اكلة بتستاهل التعب كله مممم 😋

جمعة طيبة عليكم اهل كوكباد 😍