جلاش الورد🌹من غير فرد🍪
طبعا كلنا بنحب الجلاش سواء حادق او حلو زيكوا😊 بس كتير مننا مش بيحب يفرد طبقة طبقة ويدهنها بالمادة الدهنية..
طريقة النهاردة سهلة وسريعة وجميلة وعسل قووي😍😍.. مش هنفردها طبقة طبقة ولا هندهنها سمنة واحدة واحدة لا لااا خالص وغير كده شكلها تتحفة ومميز وسريعة وهتنفع لضيوفك جدا جدا 💪
#تحدي_الشيف_الذهبي
#الشيف_الذهبي
#الجلاش_الحلو
#كوكينا_cookina
#eman_magdy
جلاش الورد🌹من غير فرد🍪
طبعا كلنا بنحب الجلاش سواء حادق او حلو زيكوا😊 بس كتير مننا مش بيحب يفرد طبقة طبقة ويدهنها بالمادة الدهنية..
طريقة النهاردة سهلة وسريعة وجميلة وعسل قووي😍😍.. مش هنفردها طبقة طبقة ولا هندهنها سمنة واحدة واحدة لا لااا خالص وغير كده شكلها تتحفة ومميز وسريعة وهتنفع لضيوفك جدا جدا 💪
#تحدي_الشيف_الذهبي
#الشيف_الذهبي
#الجلاش_الحلو
#كوكينا_cookina
#eman_magdy
إفتح في تطبيق كوكبادالخطوات
- 1
اول حاجة هنجيب صينية والأفضل سورها قصير عشان احنا ناس قصيرة عشان نطولها😂😂 وهندهنها بالزيت او بالسمنة
- 2
وهنجيب ورقة واحدة بس ونكعورها زي كأنك بترمي ورقة من شباك العربية 😂😂 يعني كعور وارمي كعور وارمي في الصينية بس ماتضغطيش عليها قوي خليها مهوية شوية.. اعمليهم بقى جنب بعض لحد لما تخلصي كل الكمية.. اهم حاجة ورقة واحدة
- 3
لحد لما تبقى بالشكل القمر ده 😍
- 4
هتسيحي السمنة او الزبدة🥃
- 5
وأهم حاجة تتشرب كويس كلها ورقة ورقة عشان تورق وتقرمش معاكي.. يالا اقعدي بقى شغبطي كأنك بتعملي لوحة فنية 😂😂
- 6
وبعد كده هنحطها في الفرن على درجة حرارة 180 ولما تحمر من الجناب هنشغل الشواية دقيقتين بس او لحد لما تاخد لون وهنكون مجهزين الشربات ويكون بارد وطبعا طريقة الشربات هنسيب السكر والمية يغلوا واول مايغلوا هنحط نصف عصير الليمونة ويغلوا عشر دقايق وهنسيبهم يبردوا تماما ونحط الشربات الجلاش وهو سخن
- 7
وبعد كده حطيت سوداني مجروش. وبس كده هتبقى شبه الوردة 🌹🌹
- 8
واحلى حاجة بتطلع كل قطعة لوحدها بالشكل ده من غير ماتقطعيها.. يعني حاجة كده سريعة وشيك لو حد جالك. ومن غير ماتتعبي نفسك 💪
- 9
ودي قناتي المتواضعة عاليوتيوب بتمنى تنوروني وهتلاقوني واقفة على باب القناة بفتحلكوا بنفسي يالا انجزوا بقى عشان رجلي وجعتني من الوقفة 🤣🤣🤣🤣
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات