بسم الله اللهم صل وسلم وبارك علي سيدنا محمد اولا نفرغ علبة أناناس في صحن واسع نحتفظ ب شريحتين للزينه نصف من كمية عصير الأناناس نحتفظ به والنصف الاخر نضيفو لشرائح الأناناس ونرحي الكل مع بعض بالبرا ميكسور

في صحن اخر نضع الفرينة والنشاء والبيضة والسكر والفانيلا ونخلط الكل مع بعض نضيفلهم عصير الأناناس لي احتفظنا بيه ونخلك جيدا

في كسرونة نضع أناناس لي فرمتو ونضيفلو خليط النشاء والفرينة ونخلط الكل مع بعض ليمتزج الخليط نضع الكسرونة على نار مع الخلط حتى يثقال الخليط لما يثقال نطفي الغاز ونفرغ الخليط في صحن نغطي الكريمة بكيس بلاستيكي يلامس سطح الكريمة وندخله للثلاجة تبرد لما تبرد تماما نطلع الشونتي لي هي نصف كأس حليب بارد جدا مع نصف كأس غبرة شونتي لما تطلع الكريمة نضيفلها الكريمة تع الأناناس على دفعات اولا نحتفظ بقليل من كريمة الشونتي للتزيين

نخلط الكريمتين مع بعض نتحصل على موس بزاف بنينة ونزين الكؤوس تاعي كما موضح

جات تحلية بزااف بنينة نتمنى تعجبكم

نعمة دايمة ان شاءالله