بسم الله اللهم صل وسلم وبارك علي سيدنا محمد في طنجرة وضعت البطاطا تتغلى في ماء مع ملح وفلفل اسود وورقة رند لما استوت تماما رحيتها بواسطة باتور اضفتلها فنجال حليب وجبن وزبدة تحصلت على بيري ناعم من جهة فب مقلاة وضفت اللحم المفروم مع مغرف زبدة يتغلى مليح من بعد أضفت البصل والفلفل الأحمر والاخضر مقطعين تبلت الخليط وتركتو يستوي من بعد أضفت حبة طماطم مفرومة مع فص ثوم ونصف مغرف طماطم مصبرة تركت الكل يستوي والحشو تركت فيه شوية ماء تع الخليط ما حبيتوش ناشف

في بيراكس دهنتو بالزبدة وضعت اول طبقة بطاطا سويتها مليح ثم طبقة من الحشو من بعد جبن مبشور والبطاطا الباقية وضعتها في بوش يدخل للفرن وشكلت لي غوزات دخلتها للفرن كلشي طايب غي باش تاخذ تحميرة ويذوب الجبن

هنا طابت لغرتان تاعي جات بنة هايلة و

مشخشخة لداخل بزااف بنينة نعمة دايمة وتقبل الله صيامكم ان شاءالله