اول حاجة هنحط اللبن الأبيض اللي زي قلبكوا💟

وبعد كده الشوربة🥃

والدقيق🍚

وهنقلب🔃 كل ده على البارد❄️

وانا هنا ضربتها بالهاند بليندر وممكن في الخلاط وممكن بالمضرب السلك.. المهم تضربوها وتعذبوها وتدوها علقة ساخنة وخلاص 🤣🤣 بس الأفضل تضربوها في الخلاط عشان يسهل عليكي الدنيا وتضمني ان مايبقاش فيه كلكعة او شخلعة 😂واحنا الصراحة مش ناقصين كلاكيع وعُقّد في عيشتنا اكتر من كده 😂😂

وهنحطه على النار🔥 وهنفضل نقلب نقلب نقلب إلخ إلخ باستمرار🔃🔃 لحد لما تدوووخ ويغمن عليها 🤕😂

واول مايسخن هنضيف مرقة خضار او دجاج او اي حيوان مش فارقة كله مش هيبان في الطعم 😂😂 وممكن تضيفي اي نوع جبن ممكن تحطي قطعة الجبنة دى👈🧀 بتاعت ثوم وجيري 🤣🤣

وهنحط ملعقة السمنة او الزبدة وهي دي المادة الدهنية اللي هنحطها بس✋💪 وممكن تحطي اخرك معلقتين وهتبقى زي الفل✋بلاش دهون عشان صحتنا بقى 😁

وهنفضل نكمل تقليب🔃 لحد لما الزبدة تسيح هي والمرقة

لحد لما نوصل للقوام التقيل والدقيق يستوي.. وهنعرف انه استوى ازاي🤔 هتلاقيه عمل فقافيع بالشكل ده او بقللة بووق بووق بوووق ايوة زي الصوت ده بالظبط 😂😂

وده الشكل النهائي وبالهنا والشفا على قلبكوا الجميل🌹💖 عايزة اقولكوا مافيش فرق نهائي في الطعم عن الطريقة دي والطريقة العادية.. بالعكس الطريقة دي احسن بكتير🤩🤩 عشان مافيهاش نسبة دهون كتير..🥃 ولا هتخافي ان الدقيق🍚 يكلكع منك أو يتلسع او مايستويش

ودي قناتي المتواضعة عاليوتيوب بتمنى تنوروني وهتلاقوني واقفة على باب القناة بفتحلكوا بنفسي يالا انجزوا بقى عشان رجلي وجعتني من الوقفة🤣🤣🤣🤣🤣🤣