نبدا بخفق الزبده مع السكر الناعم المغربل جيدا ثم نضيف البيض والزيت ثم نضيف النشاء ونلم الخليط بالفرينه حتى نتحصل على عجينه طريه ونشكل حسب الرغبة ❤️❤️❤️❤️

ومن اسرار نجاح عجينة الصابلي يجب احترام المقادير
1)-زبدة / زيت :
الكيلة لي فيها : 250 غ زبدة تحتاج :125 غ سكر + صفار بيضة +بيضةكاملة + نصف باكي خميرة+ فاني+ فرينة.
الكيلة لي فيها : 500 غ زبدة ، تحتاج : 250غ سكر + 2-3 صفار + 2 بيضة كاملة+ باكي خميرة+ فرينة. ◾عجينة الصابلي عندها مقادير مضبوطة حيث :
*كمية المرغرين تكون نصف كمية الفرينة و كمية السكر هي نص كمية المرغرين.
يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير تقريبية وعمومية ممكن تزيدي و لا تنقصي شوية

2)- البيض🥚...في القاطو صفار البيض يهشش العجينة و البياض ييبسها
علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كاملة... او تستغناي علا البياض نهائيا

3)- المايزينة.... تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تجي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة