اولاً نخلط جميع المواد الناشفة الطحين والسميد والسكر وجوز الهند والفانيليا والبيكنغ باودر

عملت بعدين حفرة بوسطهم وحطيت الزيت والحليب والبيض وبشرة الليمون

بعدين حركتهم مع بعض بواسطة خفاق يدوي وكان الخليط ما سميك كتير بالعكس مايل للطراوة

دهنت صحن البايركس (قياس كبير)بالطحينة وصبيت الخليط فيه

طبعاً انا كنت مشغلة الفرن مسبقاً وانا عم اشتغل فيا اختصاراً للوقت فوراً دخلت الصينية للفرن

انتظرت شي تحمرت من تحت اخدت حوالي نص ساعة او اقل

بعدين دهنت وجها بالقطر (الشيرة)ثم حمرت الوجه

بعدين طالعتها وسقيتها بالقطر المجهز مسبقاً...يعني القطر كان بارد وهي سخنة

مقادير القطر يلي انا عملتو 😊كاسة ونص سكر وكاسة ونص ماء وعود قرفة حسب الرغبة طبعاً.غليتن منيح طلع بجنن😍

وانتظرت لبردت البسبوسة وقدمتها وطبعاً مافي اطيب من الحلويات بالشتي 😉وألف صحةةةةة وهناااا 😍