نخلط المكونات الجافه مع بعض (الدقيق والنشا والباكنج بودر)

في وعاء تاني نضرب البيض مع السكروالفانيليا ولكن في حمام بخاري يعني تختي مويه في النار وتخليها تغلي وبعدين تطفيها وتجيبي الكوره الفيها البيض والسكر والفانيليا نختها فوق الحله ونضرب بي مضرب يدوي لحدي ما السكر يدوب والبيض يبقا دافي ويعمل رغوه كدا ملحوظه هامه ماتوقفي ضرب عشان البيض م ينجض ويعمل كتل ويخرب شغلك

ننزل الوعا ونواصل ضرب بالمضرب الكهربائي لحدي مالون البيض يبقا فاتح يتغير لونو يعني بعدين بضيف خليط الدقيق حبه حبه بالمعلقه وانا بضرب لحدي ما يتخلط كويس

قبل كدا اكيد بكون شغلت الفرن يسخن

بجيب صينيه مستطيله وبدهنها سمن او زبده وبصب فيها العجين واواسيه كويس وادخلو الفرن

براقب الفرن لحدي ما يبدا ينتفخ بشوفو نجض ولا لا بي راس سكين رفيع واذا استوى بطلعو من الفرن واخليه دقيقه بس بره

بجهز فوطه مطبخ تكون نظيفه ومبلوله مويه ما شديد بس مرطبه افرشها وارش فوقها سكر مسحون واقلب فيها الصينيه وبي سكين حاده بقطع الاطراف اذا. ناشفه

بي حرص شديد ببدا الف الكيكه بي الفوطه وهي جواها لحدي تتلف كلها وبضغط عليها بي رفق وبخليها كدا تبرد

بعد تبرد بفتحها واشيل منها الفوطه واحشيها بالمربى او الشوكولاته انا حشيتها مربى ولفيتها ومسحتها بي كريمه ودخلتها التلاجه لحدي الكريمه تمسك وبعداك تطلعيها وتقطعيها حلقات وبالهنا 😘