نبدا بسم الله ونحط في ريسبسيون كاس ونصف حليب دافئ ونضيف عليه كاس سكر ونصف كاس زيت ونخلط بالفويي مليح ثم نضيف م ك فانيلا ونخلط ثم نضيف نصف كاس كاكاو مغربل

نخلك الكاكاو مليح حتى يندمج مع الزيت والحليب ثم نبدا باضافة الفرينة والخميرة تدريجيا ونواصل الخلط مليح

نجيب سينية فرن ندهنها بالزبدة ونرشها بالفرينة ونفرغ الخليط تاعي ونسويه مليح ونكون شعلت الفرن مسبقا نحطو يطيب من تحت ثم نشعلو من فوق ونرجع نوجد الصوص لي نسقسيه بيها نجيب كسرونة نحط فيها كاس ونصف ماء و3م ك سكر و2م ك كاكاو وم ك نشاء ونخلط بارد في بارد ثم نحطها عالنار متوسطة ونبقا نخلط حتى تثقال نطفي عليها النار ونضيفلها م ك زبدة وعطر البدق وانا كاضافة من عندي حطيت م ك شكولا الطلي

نخرج الكيك بعد ماطابلي من فوق ونثقبو كامل بالكيردون ونسقيه بالصوص شكولا ونسويه مليح بالملعقة

فالاخير نرش كمية مليحة من شكولا حبيبات ونحطها نصف ساعة فالثلاجة ثم نقطعها مربعات

أخيرا الشكل النهائي لكيك تاعي ونقدمو مع قهوة العصر او شاي