فول مدمس
بمناسبه اقتراب الدراسه والشتاء قررت اعمل وصفه جديده ما فيش بيت مصري بيستغنى عنها وهي الفول المدمس فول العربيات اللي بيدخل في 100 وصفه هعلمك تعمليه بطريقتي وهيطلع معاكي احلى فول احلى المطاعم باذن الله جربيه ومش هتندمي يا رب يعجبكم
فول مدمس
بمناسبه اقتراب الدراسه والشتاء قررت اعمل وصفه جديده ما فيش بيت مصري بيستغنى عنها وهي الفول المدمس فول العربيات اللي بيدخل في 100 وصفه هعلمك تعمليه بطريقتي وهيطلع معاكي احلى فول احلى المطاعم باذن الله جربيه ومش هتندمي يا رب يعجبكم
إفتح في تطبيق كوكبادالخطوات
- 1
بسم الله اللهم صل وسلم وبارك على سيدنا محمد وعلى اله وصحبه اجمعين وسلم تسليما كثيرا الى يوم الدين ❤️
هننقع الفول لمده 24 ساعه ونغير عليه الميه اربع خمس مرات وتاني يوم ننقية ونحطة في القدرة او الدماسة او الحلة حسب المتوفر - 2
هنقي كوبايه الفول و ونص كوبايه العدس ونشطفهم كويس جدا جدا ونضيفهم للفول ونقلب كلة سوا
- 3
نضيف ماية مغلية تغطي الكمية كلها كويس عشان منفتحش علية الا مرة عشان ميسودش ومجرد ما يغلي نضيف الطماطم والجزر والليمون ويفضل نعصر الليمونة ونحط القشر كمان
- 4
بعد ساعة من الغليان علي نار هادية نضيف م ص من البيكنج بودر والبابريكا والكركم ونقلب ونشوف مستوي الماية ونغطي ونسيبه يكمل سواة علي نار هادية
- 5
بعد مرور ٣ ساعات تقريبا وممكن يزيد ل ٤ حسب نوع الفول هنلاقية استوي تمام وبقي كهرمان وتاكلية بالف هنا
- 6
ملاحظات هامة
👈اختاري الفولة اللي تكون قشرتها فاتحة او لونها فاتح وكبيرة مش صغيرة وحمرة عشان تديكي النتيجة المطلوبة
👈البيكنج بودر مهم لو مستعجلة علي سواة لو مش مستعجلة متحطيهوش وهيستوي في خلال من ٥ ل ٦ ساعات علي نار هاااااادية
👈حاولي متفتحيش كتير علية عشان ميسودش ويغمق كفاية مرة او مرتين بالكتير عشان تقلبي وتطمني
👈بعد ما يستوي ويهدي هتلاقي شوية ماية عالوش لونهم غامق ارميهم عشان لو فضلو هيخلو لون الفول غامق
- 7
👈الاضافات اللي بتتحط كتيرة سواء رز او قمح او بليلة بس أفضل نتيجة معايا كانت الفول المدشوش اديتني لون وقوام احلي من المطعم وممكن تخلي كوب الاربع فول مدشوش مع معلقتين رز حوالي ربع لو حابة القوام يبقي تقيل وملفوف بزيادة
👈 البابريكا والكركم مش بيأثرو عالطعم نهائي بس بيديني لون كهرمان لون المطاعم وبرة بيضيفو لية لون غروب الشمس بودر من العطار عشان ياخدو اللون المميز فالكركم افضل بكتير ومضاد للاكسدة طبيعي وهيدي نتيجة بفضل الله افضل من اي حاجة 🥰 - 8
أخيرا اللهم اغفر لجدتي زينب وارحمها واجعلها من أهل الفردوس الاعلي يارب ❤️
الكوكسناب
وصفات مشابهة
Ful Medames وصفات ننصحك بمشاهدتها
التعليقات