بسم الله اللهم صل وسلم وبارك على سيدنا محمد وعلى اله وصحبه اجمعين وسلم تسليما كثيرا الى يوم الدين ❤️
👈هننخل الدقيق مع البيكنج باودر 👈في بوله هنخفق الزبده او السمنه مع السكر لحد السكر ما يذوب شويه ونلاقي لونهم افتح

👈هنضيف صفار البيضاء ونستمر في الخفق
👈 نضيف الدقيق عليهم والفانيليا ونبسهم كويس وبعدين نضيف اللبن بالتدريج ونلم العجينه ما نعجنش مجرد ما تتلم معايا تبقى كده خلاص جاهزه نريحها بس 10 دقائق قبل ما نفرد ونقطع

نفرد العجينه على مفرش سيليكون او ورق زبده او كيس بلاستيك ونحاول نخلي سمكها متساوي ونشكلها ونعمل اخرام بالشوكه او بالخله او بعصايه الشيش طاووق ونرص في صينيه وندخلها التلاجه ربع ساعه قبل ما تدخل الفرن عشان نحافظ على وتشكيلها وفي نفس الوقت يطلع البسكوت مقرمش معايا

ندخلها الفرن على حراره وسط حوالي 170 ولو في مروحه هنشغلها بس نخلي الحراره 160 ونخلي بالنا عشان بياخد لون بسرعه

ملاحظات هامه
👈الدقيق المستخدم دقيق كامل الحبه
👈لو ما عندناش سكر بني هناخد 70 جرام سكر ابيض ونضيف عليهم معلقه صغيره عسل اسود ونقلبهم كويس ونخليهم على جنب شويه كده مظبوط ممكن يقل شويه ويبقى من 50 ل 60 جرام للي ما بيحبش الحاجه مسكره مع اضافه العسل الاسود..
👈 السمنه مختلفه عن الزبده عشان كده ذكرت نسبتين لو استخدمنا سمنه ممكن يحتاج معايا 30 مللي لبن لو استخدامنا زبده هيحتاج 15 مللي بس فنخلي بالنا كويس وطبعا في فرق في الطعم وفي القرمشه ما بين السمنه والزبده بس بالاثنين تحفه واحلى من بره بكثير

👈ممكن نضيف قرفه يبقى بسكوت بالقرفه بدل الفانيليا وممكن نستخدم 2 جرام سكر فانيليا لو مش متوفره السائله
👈البياض اللي اتبقى من البيضه بنشيله عادي في كيس في الفريزر لو مش هنستخدمه وبيدخل في وصفات تانيه
جربوا بطريقتي يا رب يعجبكم🥰

اخيرا اللهم اغفر لجدتي وارحمها واجعلها في الفردوس الاعلى من الجنه يا رب ❤️