كنافة بالكريمة والموز والكراميل
من احلى الحلويات اللذيذة والخفيفة اللي ممكن نعملها كل يوم منزهقش وكمان سهلة جداً في التحضير
كنافة بالكريمة والموز والكراميل
من احلى الحلويات اللذيذة والخفيفة اللي ممكن نعملها كل يوم منزهقش وكمان سهلة جداً في التحضير
إفتح في تطبيق كوكبادالخطوات
- 1
نفتت الكنافة ونضيف عليها السمنة ونحطها على نار متوسطة ونفضل نقلبها كويس لحد ما تأخذ لون ذهبي نرفعها من على النار ونسقيها بالشربات ونقلبها كويس عشان الشربات يتوزع عليها كلها
- 2
على ما الكنافة تبرد هنجهز الكريمة، فيبولة كبيرة هنحط الكريم شانتيه والسكر واللبن ونخفق كويس اوي بالمضرب الكهربائي لحد ما نحصل على قوام الكريمة المظبوط (لو هتستخدمي كريم شانتيه محلى يبقى استغني عن السكر البودر)
- 3
هنجيب قالب بايركس او ممكن تعمليها في كاسات صغيرة لو هتقدميها لضيوف، هنحط طبقة كنافة ونساويها كويس بالمعلقة زي قاعدة التشيز كيك كدا وبعدها طبقة كريمة ونساويها بردو قد ما نقدر
- 4
بعدين هنقطع الموز شرايح سميكة شوية وهنرص شرايح الموز فوق الكريمة ونحاول نضغطها بسيط عشان تكون في نص طبقة الكريمة
- 5
بعدها هنرش مكسرات مطحونة فوق الموز والكريمة ودي اختياري ممكن تستغني عنها ودلوقتي هنحط الطبقة الثانية من الكنافة ونحاول نساويها بس منضغطش اوي عشان الكريمة متخرجش من الاحراف وبعدين اخر طبقة كريمة
- 6
اخر حاجة دلوقتي هنزين الوجه بصوص الكراميل هنحطه على شكل خطوط متوازية وبخلة الاسنان هنمشي عكس اتجاه الخطوط دي رايح جاي عشان يكون معانا الشكل الجميل دا وكدا يكون جاهز معانا ندخله الثلاجة ساعتين عشان الكريمة تجمد والمكونات كلها تتشرب من طعم بعضها وتتقدم بألف هنا
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات