في بولة هننخل الدقيق ونضيف عليه السمنة ونخلط كويس لحد ما كل الدقيق يتشرب السمنة وبعدين نضيف السكر ونخلط لحد ما يتجانس الخليط وبعدين اخر حاجة البيضة والفانيليا ونقلب كويس لحد ما كله يختلط ببعضه وتطلع معانا عجينة مبتلزقش في الايد ومفرولة شوية مش متماسكة هي كدا تمام هنلمها على بعض ونغطيها باسترتش وترتاح لحد ما نسخن الفرن

هنقسم العجينة جزئين واحد فيهم اكبر من التاني بشوية عشان يبقى عندنا القاعدة والوش

هنجيب صينية مقاس ٣٠ حرفها خفيف زي صواني البيتزا والبسبوسة وهنمسحها مسحة سمنة خفيفة ونحط فيها الجزء الكبير من العجينة وهنفرده جوا الصينية ونعمله حرف عالي شوية زي التارت كدا ونساوي الحرف كويس ونحط جواها الحشو ونوزعه على الصينية وبعدين على ورقة زبدة هنفرد الجزء التاني من العجينة دايرة بحجم الصينية

هنأخذ ورقة الزبدة بالعجينة اللي عليها ونقلبها على وجه الصينية بحيث العجينة تبقي تحت والورقة فوق ونحاول نسحب الورقة بالراحة خالص من فوق العجينة عشان متتقطعش مننا وبعد ما نزلنا العجينة كلها عالصنية لو اتقطعت منك بسيط مش مشكلة هتحاولي تساويها بالراحة زي في الصورة كدا هنساويها مع الاطراف ونضغط بالراحة عشان نلزق الطرفين ببعض