بيتزا 🍕
طبعاً كلنا بنحب البيتزا ولو أكلناها كل يوم مش هنزهق بس عشان عمايلها مجهدة وبتاخد وقت طويل وتحضيرات كتير بنكسل نعملها .. جيبتلكو طريقة بيتزا سهلة وسريعة وكمان هتنافسي بيها المطاعم
بيتزا 🍕
طبعاً كلنا بنحب البيتزا ولو أكلناها كل يوم مش هنزهق بس عشان عمايلها مجهدة وبتاخد وقت طويل وتحضيرات كتير بنكسل نعملها .. جيبتلكو طريقة بيتزا سهلة وسريعة وكمان هتنافسي بيها المطاعم
إفتح في تطبيق كوكبادالخطوات
- 1
اولا هنبدأ بالعجينة.. نخلط مكونات العجينة كلها مع بعض ونضيف الماء الدافية بالتدريج لحد ما نحصل على عجينة ناعمة وطرية ومبتلزقش في الايد ونفضل نعجن فيها عشر دقائق عشان تكون هشة وبعدين هنغطيها ونسيبها في مكان دافي تختمر حوالى ساعة او ٤٥ دقيقة لو الجو حر اوي
- 2
على ما العجينة تختمر هنجهز الحشوات بتاعتنا هنقلي السوسيس وبعدين نقطعه شرايح ونقطع شرايح فلفل ونجهز الصلصة وطبعا قولتلكو قبل كدا اني بفرز صلصة البيتزا والفراخ جاهزين للاستخدام في كل اللي عملته اني طلعتهم من الفريزر يفكو على ما العجينة تختمر
- 3
بعد ما العجينة تختمر وتتضاعف حجمها نعجنها ثانيتين كمان عشان نخرج كل الهوا منها ونقسمها كورتين قد بعض ونسيبها ترتاح ١٠ دقابق
- 4
هنجيب الصنيتين بتوعنا وندهنهم زيت بسيط خالص وهنحط كل كورة في صينية ونفردها جوة الصينية ونراعي ان الاطراف تكون اتخن شوية من النص ونخرمها كويس بالشوكة زي كدا بس نبعد عن الاطراف عشان تنتفخ في الفرن
- 5
اول حاجة هنوزع الصلصة على وجه البيتزا وفوقها هنحط طبقة من الجبنة عشان تسيح والحشو يلزق في العجينة كويس وميقعش من عليها وبعد كدا نحط نوع الحشو اللي نحبه
- 6
انا عملت واحدة فراخ بالمشروم (الفطر) وواحدة سوسيس المهم نوزع الحشو كويس وفي الاخر نحط طبقة جبنة تغطي الحشو كله وتدخل فرن سخن جداً لمدة ٢٠ دقيقة وبعدين لما تستوي نشغل الشواية ٥ دقائق بس عشان الاطراف تأخذ لون ذهبي حلو
- 7
هنطلع البيتزا من الفرن نغطيها دقيقتين بس عشان تبقي طرية وتتقدم بألف هنا
نصيحة
الوصفات المرفقة
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات