سمك مشوي في البيت
هنعمل احلى سمك مشوي بتتبيلة رهيبة زي المطاعم واحلي كمان ومن غير فرن ولا فحم ولا شواية هنعمله على عين البوتاجاز
سمك مشوي في البيت
هنعمل احلى سمك مشوي بتتبيلة رهيبة زي المطاعم واحلي كمان ومن غير فرن ولا فحم ولا شواية هنعمله على عين البوتاجاز
إفتح في تطبيق كوكبادالخطوات
- 1
اول حاجة هنغسل السمك بدون تقشير ولا فتح بطن يادوب هنشطفه بس بالمية كويس
- 2
هنغطي السمك بالردة من جميع الجوانب وننفضه عشان ينزل اي زيادات من الردة
- 3
دلوقتي هنجهز الدقة بتاعتنا او التتبيلة اللي هنغطس فيها السمك بعد ما يتشوي.. هنخلط مكونات التتبيلة كلها مع بعض وهنصب عليها الماء المغلية ونقطع عليها عيدان الكزبرة الخضرا ونسيبها على جنب على ما نشوي السمك المهم تكون في طبق يكفي حجم السمكة مرتاح ميكونش صغير عشان كل السمكة تتغطس جوا التتبيلة وتتشرب منها كويس
- 4
هنحط الصاج بتاعنا على اكبر عين في البتوجاز وهنعلي النار على الاخر (في صاج مخصوص لشوي السمك او اي صينية قديمة تخصصيها لشوي السمك) وهنسخن الصاج كويس جداً الاول وبعدين نرص السمك عليه ومنملاهوش اوي عشان يستوي كويس يعني خلو في مسافة صغيرة بين كل سمكة والتانية ومنقلبش ابدا السمك قبل ما يستوي تماما من تحت عشان القشرة متفكش منك
- 5
بعد ما السمك ياخذ لون تمام من تحت نقلبه على الوجه التاني ونسيبه شوية عشر دقائق مثلا على كل وجه عشان نتأكد انه استوى من جوة كويس وبعدين نطلع السمك نغطسه في التتبيلة على طول وهو سخن ونقلبه في التتبيلة على الوجهين لحد ما نتأكد انه اتشرب من كل ناحية ونشيله نصفيه ونحطه في طبق التقديم
- 6
ممكن يتقدم مع رز ابيض او رز صيادية او عيش وسلطة خضرا وسلطة طحينة وبألف هنا هتاكلو احلى سمك بيتي عمايل ايديكو بجودة المطاعم والقشرة هتتشال معاكي بسهولة جداً بسبب الماء المغلية
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات