معكرونة بشاميل باللحمة المفرومة والجبنة الرومي المبشورة
معكرونة بشاميل باللحمة المفرومة والجبنة الرومي المبشورة
إفتح في تطبيق كوكبادالخطوات
- 1
نغلي مياه في حلة على النار
- 2
لما المياه تغلي نضع كمية المكرونة كلها
- 3
نصفي المكرونة في مصفاة من المياه بعد ما تتسلق وتبقي طرية
- 4
في حلة على البارد نضع الدقيق واللبن الحليب والبيضة والملح والفلفل والبابريكا والكركم والكاري والجبنة المثلثات ومعلقتين من الجبنة الرومي المبشورة والسمنة والزيت ونقلب بمضرب النسكافيه اسهل لحد ما يختلطوا في بعض
- 5
على النار نضع الحلة وتفضل نقلب بالمضرب بتاع النسكافيه أو المضرب العادي بس مضرب النسكافيه اسهل لحد ما يكتل البشاميل
- 6
اهم حاجة علشان البشاميل ميعجنش معاكي للأزم تفضلي تخفقي بالمضرب ما اسيبهوش خالص
- 7
لو لقيت خفيف شوية تزودي شوية مياه بسيطة غبي البارد الاول وبعد ما اخلطيها معاهم كويس ترجعي تحطيها على النار الثاني
- 8
في صينية نحط على الأرضية حبة بسمقاط بودر نقرشها بيها
- 9
و بعدين نغرف بالمغرفة حبة بشاميل على الأرضية
- 10
نرص نصف كمية المكرونة المسلوقة ترصها ازاي نبدأ نحطها واحدة واحدة جنب بعض بحيث يكون في تناسق وميكونش فيه حاجة اعلي من حاحة طبعاً هتكون لابسين gloves واحنا بتشتغل
- 11
بعد ما تنتهي من رص اول صف معكرونة في اشكال كثيرة ممكن نحطها بشكل متوازي مثلا يبقى شكلها لطيف أو عمودي الشكل اللي يعجبك المهم تبقي متناسقة
- 12
بعد كدة نحط صف بشاميل هتغرف بالمغرفة حبة كويسين ونساويهم بالمعلقة
- 13
بعد كدة هنأخذ نصف كمية اللحمة المفرومة المتعصجة ونحطها بطريقة متناسقة وكويسة
- 14
طب لو معندكيش لحمة متعصجة في الفريزر وعايزة تعصجي تعملي ايه هقولك تجيبي نصف كيلو او كيلو لحمة مفرومة حسب الكمية اللي حضرتك عايزة تعمليها وتشوحيها في حلة مع نقطة زيت زيتون وبصل مفروم في الكيشن ماشين أو الكبة اي كان وجزر مبشور وطماطم مبشورة وتحطي مع بعض في حلة ونقطة زيت زيتون على النار ونقلب كويس وتسيبيهم على النار بتاع نصف ساعة كدة تستوي تقفلي الحلة وتسيبيهم
- 15
نرجع المكرونة بتاعتنا احنا وصلنا أن احنا حطبنا اول صف من المكرونة واول صف بشاميل هنحط بقي نصف كمية اللحمة المتعصجة بشكل حلو كل ده واحنا لابسين الجلافز وتساوي بالمعلقة
- 16
بعد كدة نغرف حبة بشاميل بالمغرفة وتساويهم بالمعلقة
- 17
بعد كدة نرص ثاني صف معكرونة بشكل متناسق
- 18
بعد كدة نحط باقي كمية اللحمة المفرومة
- 19
بعد كدة نغرف بالمغرفة كمية كبيرة بشاميل بحيث تغطي الوجه
- 20
ثم نحط على الوجه فوق البشاميل باقي الجبنة الرومي المبشورة وملعقة زيت او سمنة بس لازم الزيت يكون عباد شمس أو ذرة او زيت زيتون والافضل زيت زيتون
- 21
في خطوة اختياري حلوة ممكن مع الجبنة المبشورة نحط ملعقة صلصة علشان تتخمر بسرعة ويدي لون كويس بس مش بفضل الخطوة دي
- 22
في خطوة ثاني اختياري نرش مكسرات على الوجه اللي عندك شوية صنوبر على شوية لوز حلوين بتاع ربع كباية مشكل من الاثنين
- 23
طب ازاي نحط المكسرات هنسلق اللوز في مياه مغلية ونصفيه
- 24
الصنوبر هنشوحه في ملعقة زيت زيتون في طاسة تيفال ونقلب كويس لحد ما يستوي
- 25
طب لو سوداني السوداني بتسلق في مياه مغلية
- 26
و الزبيب نفس الكلام برضه بيتسلق في مياه مغلية
- 27
بعد كدة ندخل الصينية الفرن من غير ما نحط المكسرات
- 28
و بعد ٢٥ دقيقة نفتح على المكرونة هتكون استويت بس لسة ما اتحمرش الوجه نقوم حاطين المكسرات على الوجه وندخلها ثاني الفرن خمس دقائق
- 29
و بعد كدة نخرجها من الفرن ونأخذ بالنا منحطش الصينية لو بايركس على الرخام علشان ما تتكسرش
- 30
طعمها تحفة وجميل جربوها
- 31
اخيرا أنا عملت صينتين واحدة كبيرة وواحدة صغيرة أنا حطيت صورتها قبل ما ادخلها الفرن ونسيت لصورها بعد ما خرجت من الفرن واتاكلت اكل صراحة لأنها جميلة جداً ،❤️❤️
- 32
جربوها يارب تعجبكم ،❤️❤️❤️
كلمات ذات صلة
وصفات مشابهة
وصفات ننصحك بمشاهدتها
التعليقات