أولا نفصل البياض عن الصفار في ايناء نضع بياض البيض والملح ونطلع مليح حتى يصبح رغوي نبدا نزيد السكر شوي شوي حتى يطلع البيض مثل الثلج ونزيد نخلط صفار البيض مع عطر الفراولة ونضيفه بشوي على البياض ونخلط بالسباتيول من فوق لتحت بشوي ونزيد الفرينة نغربلها ونضيف بشوي ونحرك ونفرش ورق الطهي ونطيب عليه الجينواز

نطلع شونتي مليح مليح ونضيفلها عطر فراولة

نقص الجينواز على ثلاثة ونبدأ نضع الطبقة الأولى في سرسو ونحط الفراولة المقطعة على زوج في الجوانب ونضع الشونتي ما بيناتهم ونزيد في النص مع قطع صغيرة من الفراولة ونضع الطبقة الثانية وفوقها شونتي وقطع الفراولة ونحط الطبقة الثالثة ونغلفها بالشونتي ونضعها في الثلاجة ليلة كاملة
ونزينها وتقدم بالهناء والشفاء