اول شي منفروم صدور الدجاج بماكينه الكبه

بعدين منحط كل البهارات فوقن ومنحطن بمحضره الطعام حتى يصير عنا خليط ناعم بس سميك شوي

بقسم الخليط قسمين وبحطو بنايلون حراري وبلفو وبسكرو من طرافو بشكل اسطوانه برجع بلفو بورق قصدير وبسكرو منيح من طرافو

بطنجره علغاز بغلي مي وبحط فيها عود قرفه ورق غار حبات هيل صحيحه وحبات فلفل صحيح وبس تغلي المي بسقط الرول فيهة وبتركها تغلي ساعه او ساعه ونص لازم تكون المي غامره الرول

اذا نشفت المي سخني مي وزيديها بطفي الغاز وبتركها شوي لتهدا بعدين بطالعها ع مصفايه حتى تصفى المي منها بفك القصدير منها وبحطها بلبراد لتاني يوم وبقطعها وبقدمها

فيكي ضيفي معها حبات الفلفل الصحيحه او فستق او زيتون