إفتح في تطبيق كوكبادالخطوات
- 1
بطنجرة كبيرة بنغلي مي وبنحط الملفوفة بعد مانقور لبتها وبنظل نقلبا لحتا تنفك الورقات عن بعض وتصير طرية بنصفيا و نحطا ع جنب
- 2
بنحضر الحشوة بنغسل الرز وننقعو شي ساعه وبعدا نصفي و نحط لحمه وبهار وملح وفلفل أسود حسب الرغبه وفنجان الزيت وبنخلطن
- 3
بنفرد الورق بالطريقة المعتاده وبنحط بكل ورقه شي معلقة حشوة
- 4
بسفل الطنجره انا بحط لحمة بعظمة وقطع هبرة و دهنة وحبات توم وبهار وفلفل اسود هك برشن ع اللحمة وبصف الملفوف فوقن وبحط بين صفوف الملفوف حبات دهنة صغيرة قد حبة الجوز ليعطوها نكهة ولمعة
- 5
بغمرن مي فوقن بشي اصبعتين وبخلط بالمي شي فنجان او 2 دبس رمان حسب حجم الطنجرة
- 6
وبتقلن بالتقالة او بصحن وبحط فوقو شي تقيل حتى تنكبس الطنجرة وبشعل تحتا وبس تفور بحطا ع اصغر عين نار وع اوطا شي وبتركا تستوي ع مهل شي 5 او 6 ساعات ع نار هادية كتير
- 7
بس استوت تقدميا وجنبا سلطة وصحة وهنا
وصفات مشابهة
وصفات ننصحك بمشاهدتها
التعليقات