إفتح في تطبيق كوكبادالخطوات
- 1
نحضر العجينة على مرحلتين كالتالي: أولا تضعي كوب ونصف طحين و كوبين ماء و السكر و الخميره و(البن أو الزبادي)مع بعض وتخلطيهم حتى الذوبان "وطبعا لازم تكون العجينة سائلة".. ثم تغطيهم وتكمريهم 10 او 15 دقيقة(انا خليتهم ربع ساعة).
- 2
ثانيا: بعد مرور الوقت السابق نضع على العجينة السائلة الحليب ونخلطه جيدا حتى يذوب ثم نضع البكنغ باودر ونخلطه ثم كوب زيت ونخلطه ثم باقي الطحين تدريجيا أو زيادة حسب الحاجة ونوع الطحين، ونعجن حتى تتشكل عجينة لينة متماسكة لا تلتصق باليد "ببداية العجن بنضيف نصف كوب ماء لكن بنهاية العجن بنصير نضيف زيت فقط وبنعجن بالزيت وليس بالماء" وممكن تحتاجي زيت أكثر من المقدار السابق حسب العجينة وهذا لا يؤثر.
- 3
لحتى تصبح بهذا الشكل👈... ونغطيها وبنرجع نريحها نص ساعة أو اكثر شوي.
- 4
نبدأ بتكوير العجينة الى دوائر صغيره ونريحها دقيقتين بعد التكوير حتى يسهل حشوها أكثر وهكذا، ثم نحشيها بالتمر أو الجبنة ونغلقها ونكورها باليد،يعني بتلفيها وتحركيها بشكل دائري بين ايديكي لحتى تصبح مثل الكرة، ونضعها بالصينية المدهونة بالزيت بجنب بعض بهذا الشكل👆
- 5
ثم نضغط عليها ضغط خفيف لحتى يحلى شكل الحبة عند نضوجها وهاي الحركة إختياري، ثم ندهن العجينة بالزيت ونزينها بالسمسم المخلوط مع حبة البركة(ممكن تدهينها ببيض وحليب سائل بس انا بفضل بطريقتي الزيت).
- 6
ندخلها بالفرن المحمى مسبقا ونحمرها من تحت لحتى تصبح العجينة شقراء، وطبعا بتعرفي هشي من رفع الحبة بالسكين والتأكد من لونها، ثم تخرجيها وتحمريها من فوق لحتى تصبح أيضا شقراء، وأكييد هاي أحلى وأطيب درجة تحمير لخلية النحل، وطبعا ما بتطول بتحمير الوجه لهيك لازم تديري بالك.
- 7
تخرجيها من الفرن وتسقيها بالقطر تتركيها تبرد قليلا ثم تقطعيها بمباعدة الحبات عن بعض بالسكين.
- 8
وصحتين وهنا صبايا🌷
- 9
ملاحضة: يجب ترك مسافة خالية بالصينية في الوسط حتى يسهل رفع الحبة للتأكد من نضوجها.
- 10
حاولت أشرح بأدق التفاصيل وبتمنى يكون شرح بسيط ومفهوم للجميع😊.
- 11
للعلم: العجينة هي عجينة العشر دقائق بس أنا عدلت عليها شوي باللبن والبكنغ باودر وبفترة التخمير.
الكوكسناب
وصفات مشابهة
وصفات ننصحك بمشاهدتها
التعليقات