اول شي في طريقتين لازالة زفرة اللحمة اما بتسلقوا واول غلوة بتكبو المي والزفرة وبتغيروا وبتحطو المطيبات ع مي نضيفة.. او بتعملو متلي بتقلو اللحمة بشوية زيت وورق غار وقرنفل وهال وبتقلبون سوا ليتغير لون اللحمة ويصير بني وهيك تخلصو من الزفرة كالشكل

بتضيفو مي فوق اللحمة كالشكل

بتضيفو كاسة دبس الرمان فوقن

وبعد شوي بنضيف التوم المهروس

والنعنع اليابس وبنحركن سوا وبنتركن ليغلو منيح بعدا منضيف دبس البندورة ومنحرك ليدوب بالمي..كمية دبس البندورة عالنظر يعني لازم تكون كبيرة شوي لتتسبك المرقة وتسمك وعالتذوق بيبن اذا بدا او حاجتا.. ومنشيل المطيبات يلي حطيناها للحمة وبعدا منسكر عالطنجرة ومنتركا لتستوي اللحمة عالاخر

بعد فترة بنشوف اللحمة اذا استوت لازم تكون مستوية عالاخر.. اخر شي بنطب السفرجل بعد ما تستوي اللحمة لان بيستوي بسرعة السفرجل وبنضيف معلقة السكر وعصير الليمون او رشة ملح ليمون حسب الحموضة يلي بتريدوا

لازم تكون حموضة محلونة يعني فيا حلاوة.. وبنسكر عالطنجرة وبنتركا لتتسبك وتاخد المرقة طعم السفرجل الطيب وتستوي حبات السفرجل

بعدا منطفي عليها ومنطبخ جنبا رز بشعيرية وتصب وتقدم ساخنه..

الى جانب صحن خضراوات..

ملاحظة : ابالعادة بتنطبخ بعصير الرمان المعصور فريش وشوية دبس رمان.. بس انا ما عندي رمان ف استعملت دبس رمان كاسة بس ما بيآثر الطعم واحد وطيب وبيجنن..

بتمنى يعجبكن وصحة وهنا.. 💞

بهي الصورة انا طبخت اللحمة بالشكل اول شي حطيت اللحمة مع مي بس واستنيتا لتظهر زفرتا كلها بعد كبيت ميتا كلها ونقلت اللحمة ع مي نضيفة وحطين معها المطيبات تبع سلق اللحمة كالشكل بعدا ضفت فوقا دبس الرمان وباقي الخطوات من فوق..