نقوم بسلق الدجاج بعد غسله وتنظيفه بالكامل بمكعب ماجي أو شوية ملح وكمون لحد الأستواء الكامل.

نقطع الدجاج بشكل طولي وقطع متوسطة قليلا..اللي حاب صدور الدجاج فقط يقدر يسويه أنا عملت الدجاجة كاملة أحب طعمة لحمة فخذ الدجاج بالشاورما😳😳

هذي مقادير تتبيلة الدجاج واضحه المقادير الأولى اللي ذكرتها فوق ☝

نقوم بأضافه المقادير الاولى كامله من زبادي وبهارات وملح وليمون وخل وطحينية وثوم

نخلطهم جيدا مع بعض ونتركهم بالثلاجة لمدة ساعتين على الأقل..

نقوم بتجهز الثومية لاضافتها مع الحشو وراح تلاقو طريقتها بوصفاتي ونضعها بالثلاجة..

الان راح نبدأ بعمل الشاورما هنا عدنا بصل مقطع طولي مع سماق وطماطه مقطعه صغير وشوية كزبرة حسب الرغبة.

بعد مرور ساعتين بعد ماتركناه الدجاج بالثلاجه نقوم بتشويحه مع شوية زبدة على تاوه ألين نتخلص من جميع السوائل الموجوده فيه تشوويح جيد

نقوم بأضافه الطماط والكزبره ونقوم بالتشويح حتى يذبل الطماط

آخر شي نقوم باضافه البصل ونشووح قليلا ونتذوق ملحه اذا حابين اكثر ضيفو قليلا اذا تمام خلاص نسكر علية

وبكذا يكون جاهز للحشو لو تلاحظو أن البصل ماشوحناه كثير بس مجرد ماذبل وهذي من أساسيات نكهة الشاوما واللي مو حاب البصل بهالطريقة يقلي البصل مع زبدة شوي في البدايه لين يحمر وبعدين يضيف الدجاج والطماط😊.. عطيتكم طريقتين لعمتل الشاورما✌

نقوم بتجهز سلطة للحشو عبارة عن طمام وخيار مخلل أنا ماكان متوفر عندي للأسف مخلل الخيار موجود😟 فعملت خس وطماط وملفوف..

طبعا ماتنسوو تقلو بطاطا جاهزة أنا أفضل الجاهز أسرع🙇 تقربون كل المقادير جنب بعض عشان يسهل عليكم عمل السندويشات..

نقوم بفرد خبز التورتيلا ونضع قليل من صوص الثومية مانكثر عشان مايطلع من السندويش وشوية من خلطة الدجاج وبطاطا وسلطة.. اذا حابينها سباييسي حطو دقوس الطماط السائل. ونلفها على شكل شاندويش

وفي خلطة ثانيه✌ اللي مايبغي ثومية ندهن الخبز بشوية مايونيز وطحينية ونوزع الدجاج وبقدونس ومخلل خيار وطماط مقطع شرائح ودقوس وشوية زبادي😊..

ممكن تحطوها شوي بأله السندويش للتسخين واعطاء قرمشة بسيطة وتغلف بورق..

قدمتها مع عصير تانج برتقال 🍊

تعبت كثير وأنا اكتب الطرق الثلاث الخبز مع طريقة الشاورما والثومية 😥😥وأتمنى بجد أن ينال رضاكم وتجربوه لأن عن جد طيب وعجب عائلتي كثييير 😙😙

الحمدالله..

اللهم صلي وسلم على سيدنا محمد صلى الله علية وسلم 💛💛