إفتح في تطبيق كوكبادالخطوات
- 1
اول حاجه هاناخد معلقتين سكر نقلبهم مع الخميره في الميه الدافيه
- 2
بعد كده هانحط كل المكونات الجافه مع بعضها ماعدا الدقيق هاناخد منه 3 كوبايات بس ونسيب الباقي علي جنب
- 3
هاننزل علي الدقيق بالبيضه ومعاها الفانيليا وبعد كده الزبادي والحليب والميه اللي فيها الخميره ونقلب كله علي بعضه وبعد كده ننزل بالزبده ونعجن كويس هانلاقي بقي العجينه لسه محتاجه دقيق هانزود ونعجن ونعجن كمان اتوصوا بيها في العجن شويه لان لازم تبقي طريه وملمسها ناعم جدا
- 4
هي خدت مني 3 ونص كوب دقيق بس ممكن تاخد 4 علشان كده ماحطيناش الدقيق كله في الاول هانغطيها ونسيبها نص ساعه تخمر بعد كده ناخدالعجينه ونفردها علي شكل مستطيل كبير سمكه حوالي 1/2سم
- 5
هانحط الحشوه بتاعتنا وهي عباره عن:معلقه زبده في درجه حراره الغرفه +معلقتين سكر +معلقه قرفه+معلقه كاكاو+عين جمل لو حابين
- 6
في طريقتين للحشو: الطريقه الاولي ندهن الزبده الاول علي مستطيل العجينه وبعد كده نقلب السكر والكاكاو والقرفه علي بعض ونرشهم علي الزبده أما الطريقه التانيه..هانقلب كل مكونات الحشو علي بعضها وندهن بيها العجينه
- 7
طبعا هانخلي بالنا نسيب سم من كل طرف علشان نعرف نلف العجينه، نقطعه بقي حلقات متساويه ونرصه في الصينيه ونسيبه نص ساعه يخمر، بعد كده ندخله 15 دقيقه علي 180 درجه ولما يخرج نحط عليه الصوص
- 8
لصوص الشيكولاته :(3 معلقه شيكولاته خام + معلقه حليب)هانسخنهم مع بعض في المايكروويف لمده 20 ثانيه
- 9
للصوص الابيض: 3 معلقه سكر بودره +معلقه ميه +ربع معلقه زبده
- 10
لصوص الجبنه : 4 مكعبات كيري +حليب مكثف حوالي نص كوب ونحطهم كلهم في الخلاط ممكن نحط عين جمل علي الوش
الكوكسناب
وصفات مشابهة
وصفات ننصحك بمشاهدتها
التعليقات