مكبوس لحم عماني
اتمنى تعجبكم 😊
إفتح في تطبيق كوكبادالخطوات
- 1
اول شي نغسل الأرز وننقعه ونبدأ نسوي اللحم
- 2
نسوي ماء في قدر الضغط و نضيف اللحم ونحطه عالنار لحد ما تطلع رغوة فوق ونتخلص منها
- 3
نضيف الثوم والبهارات الصحيحة والبهارات المطحونة والملح ونسكر القدر ونخليه من 30 إلى 40 دقيقة او على حسب نوع اللحم.
- 4
في هذا الوقت نقطع بصل شرايح وطماط ونحمسهم مع شوية زيت وملح ورشة هيل ونضيف الحمص وآخر شي نضيفله شوي معجون طماط ونطفي النار ونخليه على جنب.
- 5
نقطع البطاطس مكعبات متوسطة ونسويله ملح ونقليه فزيت غزير ونقطع الباذنجان شرائح و نفس الشي رشة ملح نقليه ونخليهم على جنب.
- 6
بعد ما يجهز اللحم ناخذ منه الماء ونسكبه فالقدر اللي بنطبخ فيه الأرز نخليه عالنار ونضيف الأرز وشوي زيت ونذوق الملح، وكمية الماء تغطي الارز تقريبا بواحد سم ويعتمد عحسب نوع الأرز.
- 7
نخلي الأرز على نار هادئة وبعد ما يختفي الماء من فوق نضيف حمسة البصل اللي جهزناها فوق الأرز ونسكر القدر لحد ما يستوي الأرز.
- 8
إذا كان اللحم لونه فاتح وما مبين فيه البهارات خلي فيه شوي ماء وضيفي له شوي بهارات مشكلة مطحونة وخليه عالنار بدون ما تسكري القدر.
- 9
آخر شي لما تقدميه نحط العيش فالصحن وفوقه اللحم ونوزع البطاطس والباذنجان المقلي
- 10
قدميه مع السلطة والفلفل والليمون
- 11
وبالعافيه عليكم😋🌷
Keywords
وصفات مشابهة
وصفات ننصحك بمشاهدتها
التعليقات