أضيف عليه البصل المبشور والثوم مفروم ورابطه خضرة من كل نوع (شبت كزبرة بقدونس) متقطعين صغير جدا وفي البوله هقلب كله علي بعضه وهضيف عليهم اللحمه وأعجن كله ببعضه وأتبل ملح وفلفل اسمر وبهارات واخلطهم كويس جدا مع بعض

وهاخد جزء بجزء لحين فرم الكمية كلها وبعدين أغطيها وأريحها شويه في الثلاجه وبعدين أدهن إيدي نقطة زيت و أخد من العجينه وأشكلها صوابع كفتة وبعد الإنتهاء.

احمرها في الزيت وأحطها في صلصة حمراء متسبكة بالثوم ويمكن إضافة مكعبات البطاطس او اللوبيا أو تتسوي لوحدها وتقدم مع أرز بالشعرية

وممكن طبعا بعد تحمير الكفتة نسيبها تبرد ونحطها في أكياس ونخزنها في الفريزر ونطلها علي الصلصة وقت الأكل

وبكده قول لكم علي الوصفة في حال لو هنعملها كلها في البيت لكن طبعا في بعض الأحيان بنعمل كل المكونات علي بعضها بدون فرم الأرز ولا حاجه بنغسل كل المكونات ونجهزها وناخدها عند الجزار هو بيحط لنا اللحمه ويفضل انها تكون جملي أو جاموسي كبير علشان تكون لها عرق ومتفوكش مننا وبيفرمها لنا في المفرمة المخصصه لكفتة الأرز